Արվեստանոց ռեստորանը երեկ հյուրընկալեց ժամանակակից գրականության բազմաթիվ սիրահարների: Առիթը՝ Եր Կարի առաջին՝ «Երկա՞ր» գրքի շնորհանդեսն էր: Գիրքը լույս է ընծայել «Անտարես» հրատարակչությունը: Միջոցառման ընթացքում ելույթ ունեցան դերասաններ Նարինե Գրիգորյանը, Տաթև Հովակիմյանը, Կարինե Ջանջուղազյանը, ինչպես նաև կատարումներով հանդես եկավ «Տիեզերք» բենդը:
Եր Կարն ասում է՝
«մեծ հաշվով, մայիսի 29֊-ին,
ես վերջապես կծածկեմ
գրականությունը այս երկար,
հողի հաստ շերտով, որ նման է
հարբեցողության,
իսկ տեքստերս թափանցիկ,
կօկուպացնեն գրքում իրենց տարածքը,
և սերունդ կտան,
փոխանցելով նախնի տեքստերի
գենետիկ տկլորությունը։
երկարի այդ օրվա
հյուրը կլինի նաև ՝ Եր Կարը
նա կասի՝
– ողջույն Երեմ – (երկար շիվ)
խորդազգիների ընատնիքին պատկանող՝ օտար բույս։
նույն ինքը՝ արագլախոտ,
ասել, որ ես զբաղվում եմ
գրականությամբ, մեղմ ասած ՝
ամոթ կլինի։
չասել, որ գրականությունը
զբաղվում է ինձնով, կլինի անշնորք։
և իսկապես ՝
ինձ ասել են,
ինձ հաստատ ասել են,
որ ես պոետ եմ
պատկերացնու՞մ ես
ինչ կլիներ,
եթե ես հավատայի նրանց»:
Լուսանկարները՝ Աննա Շաշիկյանի: