«Վալենսիայի» հավատարիմ երկրպագու Վիսենտե Ապարասիոն նույնիսկ տեսողության կորստից հետո ներկա էր գտնվում թիմի տնային հանդիպումներին:
«Չղջիկները» երկրպագուի մահից հետո յուրօրինակ ձևով շնորհակալություն հայտնեցին նրան:
Վիսենտե Ապարասիոն ամեն տարի ձեռք էր բերում «Վալենսիայի» տնային խաղերի բաժանորդագրություն՝ ամբողջ մրցաշրջանի համար: Բայց 60 տարեկան հասակում Ապարասիոն կորցրեց տեսողությունը, սակայն դա չխանգարեց նրան գալ ու վայելել խաղերի ժամանակ մարզադաշտում տիրող մթնոլորտը:
2 տարի առաջ Ապարասիոն մահացավ, ու ահա «Վալենսիան» տեղադրել է նրա արձանը «Մեստալիա» մարզադաշտի տրիբունաներից մեկի հենց այն տեղում, որտեղ նա տասնամյակներ շարունակ նստում էր:
