տուր
01 Հունվար 1970 - 12:11
Երկրպագուներին այս տուրից կթույլատրվի ներկա գտնվել հանդիպումներին՝ պահպանելով հակահամաճարակային կանոնները:
«ԱԼԱՇԿԵՐՏ» – «ԼՈՌԻ»
28 փետրվարի, ժ.14:00, Երևան, «Նաիրի» մարզադաշտ
9 խաղ, «Ալաշկերտը» հաղթել է 4 անգամ, «Լոռին»՝ 4, գրանցվել է 1 ոչ-ոքի, խփած և բաց թողած գոլերի հարաբերակցությունը՝ 14-10
1-ին շրջան. 12.12.2020 «Լոռի» 0-1 «Ալաշկերտ»
Գոլը՝ Նիկիտա Տանկով 39՛
«Ալաշկերտ»՝ 3-րդ տեղ (21 միավոր), «Լոռի»՝ 4-րդ տեղ (20 միավոր):
Հետաքրքիր 5 փաստ՝ հանդիպմանն ընդառաջ
1․ Վերջին 5 օրվա ընթացքում մրցակիցները երկրորդ անգամ են միմյանց հետ մրցելու: Առաջին խաղում «Ալաշկերտին» հաջողվեց Վանաձորում 10 հոգով հաղթել «Լոռիին» և հավասարակշռություն հաստատել թիմերի միջև ընդհանուր դիմակայությունում: Այդ հաղթանակն «Ալաշկերտի» համար կրկին թիմի ղեկը ստանձնած Աբրահամ Խաշմանյանի օրոք 50-րդն էր Բարձրագույն խմբում:
2․ «Լոռին» առաջնության վերջին 4 հանդիպումներում առաջին պարտությունը կրեց: Վերջին անգամ վանաձորցիները խաղադաշտից պարտված էին հեռացել անցյալ տարվա նոյեմբերի 28-ին՝ սեփական հարկի տակ նվազագույն հաշվով զիջելով «Արարատ-Արմենիային»:
3․ Նախորդ մրցաշրջանի նույն ժամանակահատվածի համեմատ «Ալաշկերտը» 2 միավոր ավելի է վաստակել: Իսկ լավագույն արդյունքն «Ալաշկերտը» գրանցել է 2015/16թթ. առաջնությունում, երբ 11 հանդիպումներում 24 միավոր էր վաստակել:
Իսկ ահա «Լոռիի» ներկայիս արդյունքը 2 միավորով պակաս է նախորդ առաջնության 12 հանդիպումներից հետո թիմի գրանցած ցուցանիշից:
4․ «Ալաշկերտի» կազմում 5 գնդակով լավագույն ռմբարկուն Դավիդ Դավիդյանն է: «Լոռիի» ֆուտբոլիստներից ամենաարդյունավետը Կլաուդիր Մարինի Ջունիորն է, որի հաշվին 3 գոլ է գրանցված:
5․ Եթե այս խաղում էլ «Ալաշկերտի» դարպասի պաշտպանությունը մինչև խաղավարտ վստահվի Օգնեն Չանչարևիչին, ապա նա առանց փոխարինման, անընդմեջ կմասնակցի առաջնության 28-րդ հանդիպմանը՝ գերազանցելով իր թիմակից Գևորգ Կասպարովի ռեկորդային ցուցանիշը: Վերջինս 2015/16-2016/17թթ. առաջնություններում առանց փոխարինման, անընդմեջ 27 խաղում էր պաշտպանել «Ալաշկերտի» դարպասը:
Դիմակայության լավագույն ռմբարկուները՝
«Լոռի»՝ Սանդի Ինուսա Ումարու՝ 3 գոլ:
«Ալաշկերտ»՝ Ջեֆերսոն Ռեիս, Տիագո Գալվաո, Ալեքսանդր Գլիշիչ՝ 2-ական գոլ:
Հանդիպմանը չի մասնակցի նախորդ խաղում խաղադաշտից հեռացված ալաշկերտցի Դավիդ Դավիդյանը: