«Բարսելոնայի» ղեկավարները շարունակում են աշխատել որակյալ կենտրոնական հարձակվող ձեռք բերելու ուղղությամբ: Նախագահ Ժոան Լապորտան դիտարկում է մի քանի թեկնածուների:
Թեկնածուներից մեկն էր նաև «Լիվերպուլի» առաջատար Մոհամեդ Սալահը, որը դուրս է մնացել Լապորտայի կարճ ցուցակից, քանի որ պահանջել է տարեկան 17 միլիոն եվրո աշխատավարձ՝ հայտնում է իսպանական As պարբերականը:
Աղբյուրը հայտնում է, որ «Բարսելոնան» աշխատանքներ է տանելու Ռոբերտ Լևանդովսկիի («Բավարիա») կամ Էրլինգ Հալանդի («Բորուսիա Դորտմունդ») տրանսֆերային իրավունքները ձեռք բերելու ուղղությամբ։
Կատալոնական ակումբի ղեկավարությունը վստահ է, որ այս տարբերակները տնտեսական տեսանկյունից շատ ավելի հարմարավետ են:
Ներկայումս «Բարսայում» կենտրոնական հարձակվողի դիրքում խաղում է Պիեռ-Էմերիկ Օբամեյանգը, որը հունվարին է միացել կատալոնական ակումբին:
