«Ինտերը» պատրաստ է վաճառել Աշրաֆ Հաքիմիին: Ակումբը ֆինանսական լրջագույն խնդիրների մեջ է: Աստղային աջ պաշտպանի վաճառքով նրանք կարող են կլորիկ գումար վաստակել:
Ֆուտբոլային ինսայդեր Ջանլուկա դի Մարցիոյի կայքը հաղորդում է, որ ՊՍԺ-ն և «Չելսին» 60 միլիոն եվրո են առաջարկել Իտալիայի չեմպիոնին՝ մարոկկացի պաշտպանի համար: Հաղորդվում է, որ «Չելսիում» պատրաստ են գործարքի մեջ ներառել Էմերսոն Պալմիերիին, կամ Անդրեաս Քրիստենսենին:
Աշրաֆը 2020 թվականի ամռանն է տեղափոխվել «Ինտեր»: Անտոնիո Կոնտեի չեմպիոնական թիմում նա կարևորագույն խաղացողներից էր:
Transfermarkt-ը Հաքիմիի տրանսֆերը հենց 60 միլիոն եվրո է գնահատում։
