Նորվեգացի հարձակվող Էրլինգ Հալանդը Sky Sports-ի հետ անցկացրած հարցազրույցում բացատրել է, թե ինչու է վերջերս Դորտմունդի «Բորուսիային» մեղադրել իր վրա ճնշում գործադրելու համար: Հալանդն ասել էր, որ ակումբն իրեն ճնշում է, որ մինչև փետրվար որոշում կայացնի ապագայի վերաբերյալ:
«Ես իսկապես չեմ ուզում շատ բան ասել դրա մասին, բայց զգում էի, որ ինչ-որ բան ասելու ժամանակն է: Հիմա ես չեմ ուզում շատ բան ասել: Ես ասացի այն, ինչ ասացի, և այժմ մենք առաջ ենք գնում»,- իր խոսքին անդրադառնալով՝ ասել է նորվեգացի հարձակվողը:
Հավելենք՝ 21-ամյա ֆուտբոլիստը Բունդեսլիգայի ընթացիկ մրցաշրջանում մասնակցել է 14 հանդիպման՝ դառնալով 16 գոլի հեղինակ:
