Դորտմունդի «Բորուսիայի» հարձակվող Էրլինգ Հալանդը չի պատրաստվում տեղափոխվել ՊՍԺ:
Փարիզյան ակումբը նախատեսում էր 21-ամյա ֆուտբոլիստին հրավիրել որպես Կիլիան Մբապեին փոխարինողի, որը ցանկանում է կարիերան շարունակել Մադրիդի «Ռեալում»:
Սակայն նորվեգացին մերժել է ֆրանսիացիներին ու որոշել այս մրցաշրջանն անցկացնել «Բորուսիայում»: Նա մեկ տարի անց մտադիր է տեղափոխվել «Արքայական ակումբ»:
Ավելի վաղ հաղորդվում էր, որ ՊՍԺ-ում հույս ունեին՝ գերմանական ակումբը 200 մլն եվրոյի դիմաց բաց կթողներ Հալանդին:
Հաջորդ ամառ ուժի մեջ կմտնի ֆուտբոլիստի ու «Բորուսիայի» միջև պայմանագրի այն կետը, ըստ որի՝ նրա հրաժարագինը կկազմի 75 մլն եվրո:
21-ամյա հարձակվողը Բունդեսլիգայի ընթացիկ առաջնությունում մասնակցել է 3 խաղի, դարձել նույնքան գոլի ու 2 արդյունավետ փոխանցման հեղինակ:
Կիլիան Մբապեն խոսել է Էրլինգ Հալանդի մասին