Քանյե Ուեսթը շարունակում է զարմացնել. Վերջերս ռեփերը հարցազրույց է տվել նկարիչ Թինո Սեգալին և պատմել է ապագայի իր ծրագրերի մասին:
«Ես անտուն, անօթևան եմ մնալու: Իմ ունեցած բոլոր տները ուզում եմ եկեղեցիների վերածել: Մենք ստեղծում ենք ապաստարան, որտեղ կընդունենք բոլորին: Այն պետք է նմանվի արվեստագետների կոմունայի։ Նման ապաստարաններում սնունդը պետք է հասանելի լինի բոլորին»,- ասել է Քանյեն Թինոյին տված հարցազրույցում:
Բացի այդ, Ուեսթը և Սեգալուն քննարկել են ռեփերի առաջիկա շոուն: «Փերֆոմանսը ներկայացնում է Քանյե Ուեսթի մահը: Դա էգոյի մահն է, որը բաժանում է մեզ: Սկսեմ ինքս ինձ սպանելուց: Որքան քիչ «Ես», այնքան ավելի շատ տարածք Աստծո համար»,- ասել է Քանյեն: