«Կյանք ու կռիվը» սիրվեց, որովհետև… որովհետև անկեղծ էր, և հուսով եմ՝ որակով:
Ես ինքս սիրում եմ «Կյանք ու կռիվը», որովհետև… որովհետև անկեղծ էր, և ասում են՝ որակով:
Ես կուզեի նկարել այնպիսի մի ֆիլմ, որը… կնկարահանվի ամռանը ծովափին:
Լավ ֆիլմ ստեղծելը կախված է… լավ սցենարից, տաղանդավոր դերասաններից և պրոֆեսիոնալ թիմից:
Եթե հոլիվուդյան աստղերի կարողանայի ֆիլմերումս նկարել, ապա կընտրեի… Մերիլ Սթրիփին, Շոն Փենին և Միշել Պֆայֆերին:
Եթե կարողանայի աշխարհի լավագույն ռեժիսորներից որևէ մեկի հետ համարգործակցել, ապա կցանկանայի…. որ իմ գրած սցենարով ֆիլմ նկարահաներ Ֆրենսիս Ֆորդ Կոպպոլան:
Ինձ համար լավ ֆիլմն այն է… , որը կարող ես նայել մի քանի անգամ:
Իմ ամենասիրելի ֆիլմը… «Կնքահայրն» է:
Ես ուրախանում եմ, երբ… շրջապատված եմ լավ մարդկանցով:
Ես հուսահատվում եմ, երբ… մի մարդ, ում մասին ունեմ լավ կարծիք, ապուշ է դուրս գալիս:
Հայաստանը լավ ֆիլմարտադրություն կունենա, երբ… ներկայիս կինոարտադրությունը վերջնականապես կործանվի:
Երբ ես փոքր էի… իմ կինը դեռ չէր ծնվել:
Ամենադժվար բանը… խաշից հետո խորոված ուտելն է:
Ամենամեծ երջանկությունը… բալիկն է:
Սերը… գալիս է ու գնում, կամ գալիս ու չի գնում:
Ես Մհեր Մկրտչյանն եմ: Ես… ունեմ անձնագիր, որտեղ դա հաստատվում է:
Զրուցեց Շուշան Կարապետյանը
«Ես եմ» շարքն այստեղ:
