Եվրոպա, ՈւԵՖԱ Եվրոպայի Լիգա, Որակավորում
08 Օգոստոս 2019 - 20:00
0
ՖԱ Փյունիկ
Վուլվերհեմպտոն Ուոնդերերս
0 - 1 Մեթ Դոերտի - 29`
0 - 2 Ռաուլ Խիմենես - 42`
0 - 3 Ռաուլ Խիմենես - 46`
0 - 4 Ռուբեն Նևիշ - 92`
Եվրոպա լիգայի որակավորման 3-րդ փուլի «Փյունիկ» – «Վուլվերհեմփթոն» (0-4) խաղից հետո հյուրերի գլխավոր մարզիչ Նունու Էշպիրիտու Սանտուն ամփոփեց խաղը և պատասխանեց լրագրողների հարցերին:
«Մրցակիցը բավականին ագրեսիվ սկսեց, բայց հետո մենք ռիթմ հաղորդեցին խաղին ու հիմնականում վերահսկում էինք խաղը:
Խաղի մի շարք ասպեկտներ կան, գոլը երևի նրանցից ամենակարևորն է, որոշ բաներից գոհ եմ, որոշ բաների շուրջ դեռ պետք է աշխատենք ու շտկենք:
Մրցաշրջանի մեկնարկին ընդառաջ մենք շրջեցինք ամբողջ աշխարհով, շատ ուղևորություններ, բայց ես գոհ եմ տղաների աշխատանքից:
Ինչ վերաբերում է տրանսֆերային պատուհանին, ամենակարևորն այն է, որ թիմը ոչ մի ֆուտբոլիստ չլքեց:
Կուտրոնեն նորմալ խաղաց, նրա ադապտացիան շատ լավ է անցնում, նրան լավ դիմավորեցին, ու կարևորն այն է, որ նա հասկանում է, թե ինչ ակումբի է միացել, հարգում է կարգուկանոնը և լավ է աշխատում:
Մենք գիտեինք, որ դժվար է լինելու, շատ լավ սկսեցին ու մեծ դժվարություն առաջացրեցին խաղասկզբում, բայց հետո մենք սկսեցինք վերահսկել գնդակը, ավելի լավ տիրապետել տարածություններին: Բայց դեռ ամեն ինչ վերջացած չէ, դեռ մի խաղ կա:
Էրիկ Վարդանյանի բացակայությունը… ավելի լավ մեզ համար»,-նշեց Նունու Էշպիրիտու Սանտուն:
«Փյունիկը» Երևանում խոշոր հաշվով պարտվեց «Վուլվերհեմփթոնին» (տեսանյութ)
