«Բարսելոնան» շատ մոտ է երկու նոր տրանսֆեր կատարելուն: Esport3-ը տեղեկացնում է, որ կատալոնական ակումբ են տեղափոխվելու «Լիոնի» հարձակվող Մեմֆիս Դեպայը և «Լիվերպուլի» կիսապաշտպան Ջորջինյո Վեյնալդումը:
Նիդեռլանդների հավաքականի ֆուտբոլիստների հետ «բլաուգրանան» պայմանագիր է կնքել: Արդեն հայտնի է, որ Վեյնալդումի համաձայնագիրը նախատեսված է մինչև 2024 թվականը:
Հոլանդացիները «Բարսելոնային» միանալու են ազատ գործակալների կարգավիճակով, քանի որ հունիսի վերջին սպառվում է նրանց ակումբների հետ պայմանագրերի ժամկետները:
Երկու տեղափոխություններն էլ «կապտանռնագույնների» գլխավոր մարզիչ Ռոնալդ Կումանի ցանկությամբ են կատարվել:
«Բարսելոնան» ավելի վաղ անվճար ձեռք էր բերել Սերխիո Ագուերոյին ու Էրիկ Գարսիային, ինչպես նաև՝ գնել Էմերսոն Ռոյալի ամբողջական տրանսֆերը:
«Բարսելոնայի» դեժավյուն. Լապորտան պետք է կրկնի իր իմաստուն որոշումը