Չիլիի հավաքականի կիսապաշտպան Արտուրո Վիդալը և Բրազիլիայի ընտրանու հարձակվող Ռիշարլիսոնը սոցիալական ցանցերում լեզվակռվի մեջ են մտել Աշխարհի առաջնության ընտրական փուլում այդ թիմերի միջև հանդիպումից հետո: Բրազիլացիները Սանտիագոյում առավելության են հասել 1-0 հաշվով:
Ռիշարլիսոնը հիշեցրել է՝ ինչպես է Վիդալը սոցիալական ցանցում մի քանի շաբաթ առաջ գրել․ «Բրազիլիա՛, 2 շաբաթ անց կհանդիպենք Չիլիում, բայց՝ այս անգամ արդեն առանց մրցավարների օգնության»:
Բրազիլացին հիշեցրել է Վիդալի խոսքերը՝ օգտագործելով աչքերի «էմոջի»:
Չիլիացի կիսապաշտպանն ավելի ուշ կոպտորեն է արձագանքել այդ գրառմանը: Նա հրապարակել է Ռիշարլիսոնի լուսանկարը՝ դեմքի հատվածում տեղադրելով ծաղրածուի դիմապատկեր: Վիդալը նաև գրել է․ «Եվ ո՞վ է այսքանից հետո ծաղրածու»:
Ընդգծենք, որ Բրազիլիայի հավաքականը հաղթել է ԱԱ 2022-ի ընտրական փուլի բոլոր 7 հանդիպումներում:
Մինչև ո՞ւր. ռեկորդներ, որոնք Ռոնալդուն ու Մեսին դեռ կարող են սահմանել
