Անգլիայի հավաքականի կիսապաշտպան Ռահիմ Ստեռլինգը ամառային տրանսֆերային պատուհանի ընթացքում հնարավոր է հեռանա «Մանչեսթեր Սիթիից»։
The Athletic-ի փոխանցմամբ՝ անգլիացու տրանսֆերը գնելու հեռանկարով հետաքրքրված է «Ռեալը»։ 26-ամյա խաղացողն այդքան էլ գոհ չէ Մանչեսթերում իր կարգավիճակից։ Ստեռլինգի նախկին գործակալ Էյդի Ուորտը հաստատել էր, որ ժամանակին «Արքայական ակումբի» հետ բանակցություններ եղել են։
«Մանչեսթեր Սիթիի» գլխավոր մարզիչ Պեպ Գվարդիոլան ուզում է, որ անգլիացին մնա թիմում։ Նա կարծում է, որ Ստեռլինգն ու Բերնարդու Սիլվան կարող են հաղթահարել իրենց բարկությունն ու նորից բարձր մակարդակով խաղալ ակումբում։
Ստերլինգը ընթացիկ ԵՎՐՈ-ի լավագույն խաղացողներից մեկն է։ Նա 3 գոլ է խփել ու 1 գոլային փոխանցում կատարել։
