- Եվրոպա լիգա, 1/16 եզրափակիչ, պատասխան խաղ
- «Լոկոմոտիվ» – «Ֆեներբախչե»
- «Լոկոմոտիվ», Մոսկվա
- Փետրվարի 25, 20:00
Խաղից առաջ
Թուրքիայում կայացած առաջին խաղում միակ բանը, որ «Լոկոմոտիվը» կարողացավ առաջադրել «Ֆեներբախչեին», դա Տարասովի մարզաշապիկն էր, որի վրա պատկերված էր ՌԴ նախագահ Պուտինը: Ռուսները պարտվեցին 2-0 հաշվով, ու հիմա հաջորդ փուլի ուղեգիրը «Լոկոմոտիվի» համար պետք է փրկի ոչ թե Պուտինը, այլ իրենք՝ ֆուտբոլիստները:
Մյուս կողմից, «Լոկոմոտիվը» Թուրքիայում իր առաջին խաղն էր անցկացնում 2016թ. և մարզավիճակի խնդիր ուներ, բայց այս մեկ շաբաթվա ընթացքում հասցրած կլինի շտկումներ մտցնել իր խաղի մեջ: Թուրքական Սուպեր լիգի վերջին խաղում «Ֆեներբախչեն» չի կարողացել գնդակ խփել համեստ «Բուրսասփորի» դարպասը, և «Լոկոմոտիվը» պետք փորձի նույնը կրկնել Մոսկվայում, քանի որ հյուրերի մեկ գոլը կարող է վճռել դիմակայության ելքը: Դրան կօգնի նաև այն փաստը, որ «Ֆեներբախչեի» մի շարք առաջատարներ՝ Բան, Դիեգոն, Մարկովիչը, հավանաբար նաև՝ Մեյրելեշը չեն մասնակցի խաղին:
«Ֆեներբախչեին» դժվար է լինելու, քանի որ Մոսկվայում ո՛չ եղանակը, ո՛չ էլ տրիբունաները բարեհաճ չեն լինելու նրանց նկատմամբ: Սակայն չմոռանանք, որ նրանք ունեն Ռոբին վան Պերսի ու այլ աստղեր, որոնք կարող են մեկ րոպեում վերջակետ դնել դիմակայությանը:
Հանդիպմանը չեն մասնակցի
«Լոկոմոտիվ»՝ Դմիտրի Տարասով /որակազրկում/, Ռոման Շիշկին /վնասվածք/
«Ֆեներբախչե»՝ Դիեգո /որակազրկում/, Աբդուլայ Բա /ծնկի վնասվածք/, Լազար Մարկովիչ /վնասվածք/, Ռաուլ Մեյրելեշ /կասկածի տակ/
Միմյանց դեմ
16/02/2016 «Ֆեներբախչե» 2-0 «Լոկոմոտիվ»