«Բավարիայի» գլխավոր մարզիչ Հանս-Դիտեր Ֆլիկը շարունակում է թոփ թեկնածու մնալ եվրոպական մի շարք գրանդների համար։
The Telegraph-ի փոխանցմամբ՝ գերմանացի մասնագետի ծառայություններով հետաքրքրված է Լոնդոնի «Տոտենհեմը»։ Լոնդոնյան թիմը մտադիր է կապ հաստատել Ֆլիկի հետ ու քննարկել նրա հավանական տեղափոխությունը։
Ֆլիկը այս մրցաշրջանից հետո հեռանալու է «Բավարիայից»։ Հավանական է, որ նա կգլխավորի Գերմանիայի ազգային հավաքականը, որի գլխավոր մարզիչ Յոահիմ Լյովը ԵՎՐՈ-2020-ից հետո հեռանալու է «Բունդեսթիմից»։