«Լիվերպուլի» գլխավոր մարզիչ Յուրգեն Կլոպն ամփոփել է «Չելսիի» դեմ գավաթային եզրափակիչը:
«Սա հանճարեղ, անհավանական ու չափազանց լարված խաղ էր: Նրանք նույնպես կարող էին հաղթել, քանի որ թիմերի միջև տարբերությունը չնչին էր: 11-մետրանոց հարվածաշարը շատ նյարդային ընթացք ունեցավ. եղունգներս ամբողջությամբ ոչնչացան: Հիմա հաղթանակը վայելելու ժամանակն է»,- գերմանացի մասնագետի խոսքը մեջբերում է BBC-ն:
Հիշեցնենք, որ մերսիսայդցիները պատմության մեջ 8-րդ անգամ նվաճեցին Անգլիայի գավաթը: