«Մանչեսթեր Յունայթեդը» չի պատրաստվում վաճառել Կրիշտիանու Ռոնալդուի տրանսֆերային իրավունքը:
Ինսայդեր Ֆաբրիցիո Ռոմանոյի հաղորդմամբ՝ «կարմիր սատանաների» ղեկավարությունն ու մարզչական շտաբը պորտուգալացուն համարում են անձեռնմխելի խաղացող և չեն պատրաստվում դիտարկել նրա տրանսֆերի վերաբերյալ որևէ առաջարկ:
Ավելի վաղ տեղեկություն կար, թե «Չելսիի» նոր սեփականատեր Տոդ Բոելին հանդիպել է Կրիշտիանուի գործակալ Ժորժե Մենդեշի հետ: Նշվում էր նաև, որ Ռոնալդուի ծառայություններով հետաքրքրված է «Բավարիան»:
2021/22 մրցաշրջանում մանչեսթերյան գրանդի կազմում 37-ամյա ֆուտբոլիստն անցկացրել է 39 հանդիպում, խփել 24 գոլ ու կատարել 3 ասիստ:
