Ղազախստանի Պրեմիեր լիգայի է 19-րդ տուրում կայացել է «Աստանա» – «Շախտյոր Կարագանդա» հանդիպումը: Տանտերերն առավելության են հասել 4:3 հաշվով:
Առաջին խաղակեսում «Աստանայի» երկու գոլերը գրանցվել են Հայաստանի հավաքականի հարձակվող Տիգրան Բարսեղյանի փոխանցումներից հետո:
6-րդ րոպեին Տիգրանի եզրային փոխանցումից հետո հաշիվը բացել է Մաքս Էբոնգը: 20 րոպե անց Բարսեղյանը ֆանտաստիկ խաղ է ցուցադրել: Սեփական տուգանային հրապարակի մատույցներից սկսված հակագրոհը զարգացրել է Բարսեղյանը, հասել է մրցակցի տուգանային հրապարակ, շրջանցել պաշտպանին, ապա մեկ հպումով ձեռնունայն է թողել երեք մրցակցի և փոխանցում է կատարել Վալրիու Չուպերկային, որը հարմար դիրքից գրավել է դարպասը:
77-րդ րոպեին հեռահար հարվածով Բարսեղյանն ինքն է գոլ խփել, որը հաղթական է դարձել:
Հաղթանակի շնորհիվ «Աստանան» վաստակեց 41 միավոր և վերադարձավ առաջին հորիզոնական: