Իտալացի հանճարեղ կոմպոզիտոր Ջուզեպպե Վերդիի «Ռեքվիեմը» Օպերայի և բալետի ազգային ակադեմիական թատրոնում հնչեց Մեծ Եղեռնի զոհերի հիշատակին։ Ֆասթ Կրեդիտն ու ընկերության հիմնադիրներ Վահե և Վիգեն Բադալյանները շարունակելով իրենց ազգանպաստ գործունեությունը այս անգամ աջակցել են ցեղասպանության զոհերի հիշատակին նվիրված համերգի կայացմանը։

Համերգի ընթացքում ելույթ ունեցան համաշխարհային ճանաչում վայելող օպերային աստղեր Ռուզան Մանթաշյանը, Օլեսյա Պետրովան, Լիպարիտ Ավետիսյանը, Եվգենի Ստավինսկին, ինչպես նաև Հայաստանի ազգային ակադեմիական երգչախումբը և Հայաստանի ազգային ֆիլհարմոնիկ նվագախումբը։

Հայաստանի ազգային ֆիլհարմոնիկ նվագախումբի ղեկավար և գլխավոր դիրիժոր Էդուարդ Թոփչյանը բարձր է գնահատում արվեստի դերը ազգի ճանաչման և կայացման բարդ ճանապարհին։