տուր
01 Հունվար 1970 - 13:02
Եվրոպական մի քանի ակումբներ ակտիվորեն հետաքրքրված են Ֆրանսիայի հավաքականի ու «Բետիսի» հարձակողական ոճի կիսապաշտպան Նաբիլ Ֆեկիրի ծառայություններով՝ հաղորդում է իսպանական Marca-ն։
26-ամյա ֆուտբոլիստի տրանսֆերը ձեռք բերելու գլխավոր հավակնորդներն իտալական «Միլանն» ու Լոնդոնի «Արսենալն» են։
«Բետիսը» ֆուտբոլիստի տրանսֆերը գնահատում է 50 միլիոն եվրո, Transfermarkt-ը՝ 32 միլիոն եվրո։ «Արսենալը» պատրաստ չէ բավարարել անդալուզյան ակումբի պահանջը, իսկ «Միլանի» վերաբերյալ տեղեկություններ դեռևս չկան։
Հիշեցնենք, որ Ֆեկիրը «Բետիսի» կազմը համալրել է 2019 թվականի ամռանը «Լիոնից»։ Ֆուտբոլիստի պայմանագրի ժամկետն իսպանական ակումբի հետ գործում է մինչև 2023 թվականի ամառ։
Լա լիգայի ընթացիկ մրցաշրջանում Ֆեկիրը մասնակցել է 22 հանդիպման՝ դառնալով 7 գոլի և 6 արդյունավետ փոխանցման հեղինակ։