«Մանչեսթեր Սիթիից» հեռացած բրազիլացի կիսապաշտպան Ֆերնանդինյոն նոր թիմ ունի: 37-ամյա ֆուտբոլիստը վերադարձել է բրազիլական «Ատլետիկո Պարանաենսե»՝ տեղեկացնում է ակումբի մամուլի ծառայությունը:

Բրազիլացին իր նոր թիմում կխաղա «5» համարի մարզաշապիկով: Բրազիլական ակումբը գործարքի մասին այլ մանրամասներ չի հայտնում:

Ֆերնանդինյոն 2003-2005 թվականներին խաղացել է «Ատլետիկո Պարանաենսեում»: Բրազիլացին 2013 թվականից էր պաշտպանում «Մանչեսթեր Սիթիի» գույները: