ՖԻՖԱ-ի գործադիր անդամ Էվելինա Քրիստիլինն ուտոպիա է անվանել այն տեղեկությունը, թե Իտալիայի հավաքականը կարող է ԱԱ 2022-ի հիմնական փուլի ուղեգիր ստանալ:
Ավելի վաղ տեղեկություններ կային, թե Իրանի հավաքականի փոխարեն իտալացիներին կարող են հնարավորություն տալ մասնակցելու ԱԱ 2022-ին:
«Եկեք պարզապես մեր գլխից հանենք այն միտքը, թե Իտալիան կարող է ԱԱ 2022-ի հիմնական փուլի ուղեգիր ստանալ. դա անհնար է, ուտոպիա:
Մենք երբեք չենք քննարկել Իրանի՝ աշխարհի առաջնությունից դուրս թողնելու հարցը։ Եթե նույնիսկ այդպես լիներ, նրանց տեղը կզբաղեցներ մեկ այլ ասիական հավաքական»,- ՖԻՖԱ-ի պաշտոնյայի խոսքը մեջբերում է Radio Uno-ն:
Հիշեցնենք՝ իտալացիներն ԱԱ 2022-ի ընտրական մրցաշարի փլեյ-օֆֆի կիսաեզրափակիչում 0:1 հաշվով պարտվել են Հյուսիսային Մակեդոնիայի ընտրանուն, որը եզրափակիչում հիմնական փուլի ուղեգիրը զիջել է Պորտուգալիայի հավաքականին:
ԱԱ 2022-ի խմբային փուլի վիճակահանությունը կկայանա այսօր, մեկնարկը՝ 20:00-ին:
