VBET Հայաստանի Պրեմիեր լիգայի հաղթող «Փյունիկը» հայտարարել է թիմի պորտուգալացի հարձակվող Ուգո Ֆիրմինուի հեռանալու մասին՝ տեղեկանում ենք երևանյան ակումբի պաշտոնական կայքից:
Ֆուտբոլիստի հետ պայմանագրի ժամկետն ավարտվել է, որը կողմերը չեն երկարաձգել: Ֆիրմինուն 2021 թվականի հուլիսին էր տեղափոխվել երևանյան ակումբ:
Պորտուգալացի հարձակվողը մարզական կարիերան կշարունակի «Արարատ-Արմենիայում»: Ակումբն արդեն հաստատել է, որ պայմանագիր է կնքել նրա հետ: Գործարքից այլ մանրամասներ չեն հաղորդվում:
33-ամյա Ֆիրմինուն 2021/2022 մրցաշրջանում «Փյունիկի» կազմում անցկացրած 32 խաղում խփել է 18 գոլ և կատարել 5 ասիստ:
