Ինչպես հայտնում է TMZ-ը, լեգենդար բռնցքամարտիկ Ֆլոյդ Մեյվեզերը մայիսի 14-ին ցուցադրական մենամարտ կանցկացնի ամերիկացի Դոն Մուրի հետ։
8-ռաունդանոց մենամարտը տեղի կունենա Դուբայում «The Global Titans Fight Series» շոուի շրջանակում: Ելույթ կունենա նաև UFC-ի նախկին չեմպիոն Անդերսոն Սիլվան: Նրա մրցակիցը կլինի Բրունո Մաչադոն։
Մեյվեզերը վերջին անգամ մենամարտել է անցյալ տարվա հունիսին բլոգեր Լոգան Փոլի դեմ։ Նրանց մենամարտն ավարտվել է առանց արդյունքի հրապարակման։
45-ամյա Մեյվեզերը կարիերայի ընթացքում անցկացրել է 50 մենամարտ, տոնել նույնքան հաղթանակ, որոնցից 27-ը՝ նոկաուտով:
Դոն Մուրը կարիերայի ընթացքում անցկացրած 19 մենամարտից 18-ում հաղթել է, 1-ում պարտվել, գրանցել է 12 նոկաուտով հաղթանակ: