Զավեշտալի դեպք է տեղի ունեցել ԵՎՐՈ 2020-ի ընթացքում:
Ինչպես տեղեկացնում է Marca-ն՝ ֆրանսիացի 6 երկրպագուներ շփոթել են Հունգարիայի մայրաքաղաք Բուդապեշտը և Ռումինիայի մայրաքաղաք Բուխարեստը (երկու քաղաքներն էլ մրցաշարն ընդունողների շարքում են), ու մեկնել Բուխարեստ՝ բաց թողնելով F խմբի Ֆրանսիա – Հունգարիա հանդիպումը:
Իմանալով իրենց սխալի մասին՝ երկրպագուները որոշել են մնալ Բուխարեստում, քանի որ եթե Ֆրանսիան հաղթի Պորտուգալիային ու զբաղեցնի առաջին հորիզոնականը, ապա 1/8 եզրափակիչի խաղը հունիսի 28-ին կանցկացնի Բուխարեստում: