«Փյունիկի» հետ անչափ կարևոր խաղում Ֆուրջել Նարսինգը ոչ միայն «Արարատ-Արմենիային» փրկեց պարտությունից՝ պահպանելով չեմպիոնական մրցավազքում ինտրիգը, այլև մի քանի ուշագրավ ցուցանիշ գրանցեց:
Նախ, նա դարձավ VBET ՀՊԼ-ում «Արարատ-Արմենիայում» գոլ խփած ամենատարեց ֆուտբոլիստը՝ Դավիթ Յուրչենկոյի դարպասը գրավելով 34 տարեկան 47 օրականում: Նարսինգը գերազանցեց թիմի նախկին հարձակվող Անտոն Կոբյալկոյի ցուցանիշը, որն իր վերջին գոլը խփել էր 33 տարեկան 180 օրականում:
Ֆուրջել Նարսինգը 6 գոլով դարձավ նաև ՀՀ առաջնություններում հանդես եկած ամենաարդյունավետ հոլանդացի ֆուտբոլիստը՝ գերազանցելով «Գանձասար-Կապանի» նախկին լեգեոնական Ռեջիլիո Զեեդորֆի ցուցանիշը, որի հաշվին 5 գոլ էր գրանցված:
Նարսինգը նաև ընդգրկվեց VBET ՀՊԼ-ում գոլ խփած ամենատարեց լեգեոնականների տասնյակում: Այդ ցանկը գլխավորում է «Գանձասար-Կապանի» նախկին ֆուտբոլիստ Վիրջին Մարշավելան, որն աչքի է ընկել 37 տարեկան 52 օրականում:
Ֆուրջել Նարսինգն «Արարատ-Արմենիայի» հնաբնակներից է: Վարդան Մինասյանը նրան թիմ էր հրավիրել 2019/20թթ. մրցաշրջանի մեկնարկից առաջ: Եվ հենց առաջնության մեկնարկային տուրում էլ՝ 2019թ. օգոստոսի 10-ին «Գանձասար-Կապանի» հետ խաղում կայացավ Նարսինգի նորամուտը VBET ՀՊԼ-ում: Նա թիմի մեկնարկային կազմում էր և փոխարինվեց 55-րդ րոպեին՝ խաղադաշտում տեղը զիջելով Մաիլսոն Լիմային, որը դարձավ «Արարատ-Արմենիայի» խփած 3-րդ գոլի հեղինակը:
Գոլերի հաշիվը Նարսինգը բացեց հոկտեմբերի 25-ին «Նոայի» հետ կայացած խաղում՝ գրավելով իր ներկայիս թիմակից Վալերիո Վիմերկատիի պաշտպանած դարպասը: Առաջնությունում անցկացրած 20 խաղում Նարսինգը 4 գոլ խփեց և թիմակիցների հետ արժանացավ չեմպիոնի տիտղոսին: VNews.am-ը ներկայացնում է VBET ՀՊԼ-ում «Արարատ-Արմենիայում» գոլ խփած ամենատարեց ֆուտբոլիստների տասնյակը:
Գոլերի հաշիվը Նարսինգը բացեց հոկտեմբերի 25-ին «Նոայի» հետ կայացած խաղում՝ գրավելով իր ներկայիս թիմակից Վալերիո Վիմերկատիի պաշտպանած դարպասը:
Առաջնությունում անցկացրած 20 խաղում Նարսինգը 4 գոլ խփեց և թիմակիցների հետ արժանացավ չեմպիոնի տիտղոսին:
VNews.am-ը ներկայացնում է VBET ՀՊԼ-ում «Արարատ-Արմենիայում» գոլ խփած ամենատարեց ֆուտբոլիստների տասնյակը:
Ֆուտբոլիստներ |
Տարիքը |
Ամսաթիվն ու մրցակիցը |
1. Ֆուրջել Նարսինգ |
34 տ. 47 օր. |
29.04.2022 «Փյունիկ»՝ 1-1 |
2. Անտոն Կոբյալկո |
33 տ. 180 օր. |
10.11.2019 «Երևան»՝ 7-2 |
3. Ալեքսանդր Կարապետյան |
33 տ. 147 օր. |
19.05.2021 «Արարատ»՝ 1-1 |
4. Հրայր Մկոյան |
31 տ. 336 օր. |
04.08.2018 «Լոռի»՝ 2-0 |
5. Դմիտրի Գուզ |
31 տ. 163 օր. |
25.10.2019 «Նոա»՝ 3-1 |
6. Վլադիմիր Խոզին |
29 տ. 297 օր. |
26.04.2019 «Արարատ»՝ 6-2 |
7. Իվայլո Դիմիտրով |
29 տ. 243 օր. |
24.11.2018 «Արցախ»՝ 3-1 |
8. Ջիովանի Մարտինես Կորտես |
29 տ. 242 օր. |
06.03.2019 «Փյունիկ»՝ 3-0 |
9. Յուսուֆ Օտուբանջո |
29 տ. 179 օր. |
10.03.2022 «Նորավանք»՝ 2-0 |
10. Ալեմաո |
29 տ. 129 օր. |
15.04.2022 «Արարատ»՝ 3-1 |