Հեղինակավոր Squawka վիճակագրական ռեսուրսը սեփական «Օսկարի» մրցանակաբաշխությունն է անցկացրել՝ հաղթողների անվանացուցակ կազմելով տարբեր անվանակարգերում:
«Ամենադրամատիկ ելույթ» անվանակարգում հաղթող է ճանաչվել Ջանլուիջի Բուֆոնը, «Լավագույն սանրվածք» անվանակարգում Պոգբան առաջատարն է, «Երկրորդ պլանի հերոս» անվանակարգում հաղթել է Պորտուգալիայի հավաքականի ֆուտբոլիստ Էդերը, «Լավագույն արտասահմանյան ֆիլմ» անվանակարգում հաղթող է ճանաչվել Զինեդին Զիդանը՝ արժանանալով «Ճաղատները կարող են մարզել» մեկնաբանությանը: «Տեխնոլոգիական նորարարություն» անվանակարգում հաղթող է ճանաչվել Կլաուդիո Ռանիերին: Լավագույն դերասան է ճանաչվել Կրիշտիանու Ռոնալդուն, լավագույն ֆիլմ՝ «Լեսթերի» չեմպիոնությունը:
