Ֆուտբոլի 2018 թվականի աշխարհի առաջնության ամառային մրցաշարի նախօրեին Ռուսաստանի տարբեր քաղաքներ գունազարդվել են մի շարք գրաֆիտիներով: Նույնիսկ որոշ տեղական իշխաություններ հովանավորել են աշխարհի ամենահայտնի փողոցային նկարիչներից ոմանց, որպեսզի իրենց գեղանկարների շնորհիվ ռուսական մի շարք քաղաքներ ու մարզադաշտեր լցվեն գույնզգույն կախարդանքով: Ձեր ուշադրությանն ենք ներկայացնում Ռուսաստանի ամենայուրօրինակ փողոցային արվեստի նմուշները :
Թերևս ամենաքննարկվածներից մեկն էլ պորտուգալացի ֆուտբոլիստ Կրիշտիանու Ռոնալդուի հսկայական դիմանկարն էր Թաթարստանի մայրաքաղաքում: Գրաֆիտին հեղինակել է ռուս նկարիչ Dmitri Kudinov-ը իր խմբի հետ:
Հաջորդը մեքսիկացի փողոցային նկարիչ Farid Rueda-ի 30 մետր բարձրություն ունեցող փսիխոդելիկ դիզայնով արջն է Մոսկվայի հարավ-արևմուտքում:
Իսկ Մոսկվայի կենտրոնում կարելի է հանդիպել «Վրիժառուները» ֆիլմի սուպեր հերոսներին, որոնց պատկերել է աշխարհի լավագույն սթրիրթ արտիստներից արգենտինացի Martin Ron-ը: Նկարի բարձրությունը հասնում է մոտ 8 մետրի:
Նույն հեղինակից մեկ այլ գրաֆիտի ևս՝ Մոսկվայի Zhukov պողոտայում:Նկարում 10-ամյա ֆուտբոլիստ Harry Lebrun-ը նետում է գնդակը: Ի դեպ ընդհանուր առմամբ նկարիչը հատուկ աշխարհի խաղերին նվիրված հեղինակել է 4 գրաֆիտիներ:
Բազմաթիվ փողոցային արվեստի նմուշներ կգտնեք նաև Լուժնիկի մարզադաշտի հարակից շրջաններում: Որոնցից մի քանիսը պատկանում են ավստրալացի Jamin-ի վրձնին:
Գրաֆիտի արտիստների աշխատանքները սփռված են Ռուսաստանով մեկ: Վերջինիս ապացույցն էլ Մորդովիայի հանրապետության մայրաքաղաք Սարանսկում արված այս նկարն է:
Նկարիչները չէին մոռացել նաև արգենտինացի ֆուտբոլիստ Լիոնել Մեսսիի երկրպագուներին: Գրաֆիտիի հեղինակը ռուս փողոցային նկարիչ՝ Sergey Erofeev-ն է: