Գերծանր քաշային կարգի լեգենդար բռնցքամարտիկ Թայսոն Ֆյուրին կարծում է, որ Կրիշտիանու Ռոնալդուն կարող է բացասաբար ազդել «Մանչեսթեր Յունայթեդի» վրա:
33-ամյա բրիտանացին «կարմիր սատանաների» երկրպագու է:
«Լավ է, որ Ռոնալդուն մնում է, սակայն ես փաստեր կասեմ՝ առանց նրա ՄՅՈՒ-ն երկրորդն էր ԱՊԼ-ում, նրա հետ՝ 6-րդը:
Մարդիկ կասեն, որ եթե չլիներ Կրիշտիանուի 20 գոլը, ավելի ցածր տեղ կզբաղեցնեինք, սակայն նախորդ մրցաշրջանում նման խնդիր չեղավ:
Չեմ ասում՝ Ռոնալդուն օգտակար չէ. Կրիշը հիանալի է, սակայն հաճախ աստղային խաղացողն ստվերում է երիտասարդներին»,- Ֆյուրիի խոսքը մեջբերում է Daily Mirror-ը:
Ավելի վաղ «Ոսկե գնդակի» հնգակի դափնեկիրը ճանաչվել էր «Մանչեսթեր Յունայթեդի»՝ 2021/22 մրցաշրջանի լավագույն ֆուտբոլիստ:
