«Մանչեսթեր Սիթիի» հարձակվող Գաբրիել Ժեզուշը, ամենայն հավանականությամբ, կփոխի ակումբային գրանցումը մրցաշրջանի ավարտին: Ինսայդեր Խորխե Նիկոլայի տեղեկություններով՝ բրազիլացին մոտ է «Արսենալի» հետ պայմանագիր կնքելուն: Նշվում է, որ կողմերի միջև բանակցությունները վերջնական փուլում են:
Հիշեցնենք, որ Ժեզուշի՝ «քաղաքաբնակների» հետ համաձայնագրի ժամկետը նախատեսված է մինչև 2023 թվականի ամառ, և եթե նոր պայմանագիր չկնքվի, ապա մեկ տարի անց «Սիթին» ֆուտբոլիստին բաց կթողնի անվճար:
Ընթացիկ մրցաշրջանում մանչեսթերյան ակումբի կազմում Ժեզուշն անցկացրել է 34 հանդիպում՝ դառնալով 7 գոլի և 11 ասիստի հեղինակ: