Ֆրանսիացի մասնագետ Քրիստոֆ Գալտյեն կգլխավորի ՊՍԺ-ն՝ հայտնում է RMC Sport-ը: Կողմերը երկամյա պայմանագիր են համաձայնեցրել՝ ևս մեկ տարով ժամկետը երկարաձգելու հնարավորությամբ:
Գալտյեի ներկայիս թիմը՝ «Նիսը», 10 միլիոն եվրո փոխհատուցում կստանա: Մասնագետի՝ փարիզյան ակումբը գլխավորելու մասին պաշտոնապես կհայտարարվի առաջիկա օրերին:
Քրիստոֆ Գալտյեն ՊՍԺ-ում ավելի քիչ կվաստակի, քան Մաուրիսիո Պոչետինոն, որն այժմ գլխավորում է ակումբը:
Արգենտինացու պայմանագիրը փարիզյան թիմի հետ գործում է մինչև հաջորդ տարվա ամառ: Գալտյեի՝ «Նիսի» հետ պայմանագիրը գործում է մինչև 2024 թվականի ամառ: