Անգլիայի հավաքականի գլխավոր մարզիչ Գարեթ Սաութգեյթը 3 տարով երկարաձգել է ֆուտբոլային ասոցիացիայի հետ գործող պայմանագրի ժամկետը:
Անգլիայի ֆուտբոլային ասոցիացիայի հաղորդմամբ՝ կողմերը կնքել են պայմանագիր, որի ժամկետը կգործի մինչև 2024 թվականը:
51-ամյա մասնագետն Անգլիայի ազգային ընտրանու ղեկին է 2016 թվականի նոյեմբերի 30-ից:
Գարեթ Սաութգեյթի գլխավորությամբ Անգլիայի հավաքականն անցկացրել է 64 խաղ, տոնել 44 հաղթանակ, կրել 11 պարտություն, 9 հանդիպում ավարտվել է ոչ-ոքի:
