Գյումրեցի Գառնիկ Չոլակյանը պոկում վարժությունից փոքր ոսկե մեդալ է նվաճել Հունաստանի Իրակլիոն քաղաքում ընթացող ծանրամարտի աշխարհի երիտասարդական առաջնության մինչև 55 կգ քաշային կարգում։

Հայ մարզիկը, հաջող կատարելով բոլոր երեք փորձերը, ելույթն ավարտել է 108 կգ արդյունքով։ Նա 5 կիլոգրամով գերազանցել է երկրորդ տեղը գրաված կոլումբիացի Ջոստին Տորալվո Պենալոզային։ Նույն՝ 103 կգ ցուցանիշով երրորդ տեղում է մեքսիկացի Խոսե Մանուել Պուքս Պերալտան։

Առջևում հրում վարժությունն է։