Գեղեցկության իր գաղտնիքներով է կիսվել իտալացի դերասանուհի Մոնիկա Բելուչին, որին շատերը համարում են աշխարհի ամենահմայիչ կինը, կին, որը հպարտությամբ է խոսում նաև իր թերությունների մասին։ Եկեք տեսնենք, թե այս հավերժ գեղեցիկ կինն ինչպես է պահպանում իր գեղեցկությունն ու գեղեցիկ լինելու ինքնագիտակցությունը:
Ահա Մոնիկա Բելուչիի գեղեցկության 7 կանոնները…
1. Հասկացեք, որ կինը տարիքի հետ շատ ավելի լավն է դառնում
Ես չեմ ուզում նորից 20 տարեկան լինել: Այսօր ես շատ ավելի երջանիկ եմ, քան երիտասարդ տարիքում էի, երբ նոր էի փորձում ճանաչել ինքս ինձ և տառապում էի անինքնավստահությունից: 55 տարեկանում ես հստակ գիտեմ, թե ինչի կարիք ունեմ և առանց ինչի չեմ կարող ապրել:
2. Սիրեք ձեր մարմինը ցանկացած վիճակում
Անկախ նրանից, թե որքան հեռու է քո մարմինը իդեալական լինելու պատրանքից, դուք պետք է սովորեք ընդունել և սիրել այն: Իդեալականը հնարված բան է, պարտադրված չափանիշներ։ Տպավորիչ ու կլորիկ ֆորմաներով կինը նիհարից պակաս գրավիչ չէ։ Հենց դա գիտակցեք, ամեն ինչ կփոխվի։
3. Քաղցած մի՛ մնացեք և չափից շատ էլ մի կերեք
Ես հասկանում եմ, որ երբեք նիհար չեմ լինի։ Ես սիրում եմ ուտել, ուստի սննդակարգին հետևել չեմ ուզում և չեմ կարող: Եթե սկսեմ դիետաներ պահել, ապա այլևս իսկական չեմ լինի, իսկ ես չեմ ուզում կեղծել, կեղծ լինել: Երբեմն կարող եմ ինձ թույլ տալ հավելյալ բաժակ գինի կամ մի կտոր տորթ, քանի որ առանց փոքր թուլությունների կյանքն անհետաքրքիր է:
4. Վայելե՛ք սպորտը
Սովորեք հաճույք ստանալ ֆիզիկական ակտիվությունից: Ուսումնասիրեք, հետևեք, թե ինչպես է ձեր մարմինը փոխվում ամեն օր: Ես, օրինակ, սիրում եմ յոգան, թեպետ չեմ կարող կանոնավոր մարզվել մշտական ճամփորդությունների պատճառով: Բայց շաբաթական 3-4 անգամ լողավազան եմ գնում։
5. Շատ ջուր խմեք
Ես շատ եմ ջուր խմում՝ օրգանիզմը վնասակար նյութերից մաքրելու համար։ Բացի այդ, ջուրն օգնում է մաշկին պահպանել առողջ փայլը: Մի՛ մոռացեք այդ մասին:
6. Հո՛գ տարեք ձեր մաշկի մասին
Սառը ապա տաք ջրով ցնցուղն օգնում է արագ արթնանալ և թարմացնել մաշկը։ Ամենակարևորը, սակայն, մաշկի մաքրությունն է. անպայման մաքրե՛ք և սնուցե՛ք մաշկը, և այն ձեզ միշտ կուրախացնի իր փայլով ու նրբությամբ:
7. Հնարավորինս քիչ կոսմետիկա օգտագործեք
Գեղեցկությունը կոսմետիկայի մեջ չէ, այլ՝ ձեր: Ծանր դիմահարդարումն ինձ համար չէ։ Ես առօրյայում օգտագործում եմ միայն թեթև տոնային քսուք և թարթիչաներկ: Կոսմետիկան հիանալի է միայն այն դեպքում, երբ ընդգծում է անհատականությունը:
