Ռուսաստանի գավաթի խաղարկության քառորդ եզրափակիչում «Բալթիկան» մրցել է Մոսկվայի «Դինամոյի» հետ: 35-րդ րոպեին հանդիպման հաշիվը բացել է մոսկովյան ակումբի կիսապաշտպան Դենիս Մակարովը: Ընդմիջումից հետո խաղադաշտ է դուրս եկել Հայաստանի հավաքականի թեկնածու Իշխան Գելոյանը: 84-րդ րոպեին հենց հայ ֆուտբոլիստի դիպուկ հարվածն է վերականգնել հաշվի հավասարությունը՝ 1:1:
Հետխաղյա 11-մետրանոց հարվածաշարում Գելոյանի թիմը պարտվել է 4:5 հաշվով ու ավարտել ելույթները Ռուսաստանի գավաթի խաղարկությունում: