«Ասթոն Վիլայի» գլխավոր մարզիչ Սթիվեն Ջերարդը դրդում է ակումբի ղեկավարությանը ձեռք բերել հարձակվող Լուիս Սուարեսին, որն ամռանը կդառնա ազատ գործակալ՝ տեղեկացնում է բրիտանական The Telegraph-ը:
Ջերարդն անձամբ է ցանկանում թիմ հրավիրել Սուարեսին, որի հետ 3,5 մրցաշրջան խաղացել է «Լիվերպուլում»։ Տեղափոխությանը կարող է նպաստել նաև այն հանգամանքը, որ «Վիլայում» է ելույթ ունենում բրազիլացի կիսապաշտպան Ֆիլիպե Կոուտինյոն, որի հետ Սուարեսը խաղացել է և՛ «Լիվերպուլում», և՛ «Բարսելոնայում»:
Աղբյուրի համաձայն՝ Սուարեսը դեմ չէ կարիերայի շարունակության այս տարբերակին: Ավելի վաղ «Ատլետիկոն» հայտարարել էր, որ Սուարեսի հետ չի երկարաձգի ավարտվող պայմանագրի ժամկետը:
