Բուդապեշտում ընթացող հունահռոմեական ոճի ըմբշամարտի Եվրոպայի առաջնության 60 կգ քաշային կարգի կիսաեզրափակիչում Գևորգ Ղարիբյանը գոտեմարտեց Բուլղարիայի ներկայացուցիչ Էդմոն Նազարյանի հետ:
Հայ ըմբիշը պարտվեց 1:10 հաշվով և պայքարը կշարունակի բրոնզե մեդալի համար:
Նշենք, որ Էդմոն Նազարյանը կրկնակի օլիմպիական չեմպիոն Արմեն Նազարյանի որդին է:
Մինչ այդ Ղարիբյանը հաղթել էր գերմանացի Աբդոլմոհամադ Մոհամադին (7:0) և Պրիդոն Աբուլաձեին (3:2):
67 կգ քաշային կարգի կիսաեզրափակիչում էլ Սլավիկ Գալստյանը գոտեմարտեց Հունգարիայի ներկայացուցիչ Կրիստիան Իստվան Վանցայի հետ:
Մեր ըմբիշը լարված պայքարում զիջեց 2:4 հաշվով և նույնպես կպայքարի բրոնզե մեդալի համար:
Հիշեցնենք, որ VBET-ը ըմբշամարտի Հայաստանի հավաքականի գլխավոր հովանավորն է:
