Մյոնխենգլադբախի «Բորուսիայի» կենտրոնական պաշտպան Մատիաս Գինտերը հայտնվել է Մյունխենի «Բավարիայի» տրանսֆերային թիրախում՝ հաղորդում է լրագրող Նիկոլո Սկիրան։
Մյունխենյան ակումբը մտադիր է ամռանը պայմանագիր կնքել Գերմանիայի հավաքականի պաշտպանի հետ, որը կդառնա ազատ գործակալ։ «Բավարիան» խաղացողին առաջարկել է 4 տարվա պայմանագիր։
Ավելի վաղ Մյունխենգլադբախի ակումբը հայտարարել էր, որ ֆուտբոլիստի հետ պայմանագիրը չի երկարաձգվի: Այս մրցաշրջանում գերմանացին Բունդեսլիգայում անցկացրել է 17 հանդիպում։
Ֆուտբոլիստի ծառայություններով հետաքրքրված է նաև Միլանի «Ինտերը»: