Մյոնխենգլադբախի «Բորուսիայի» և Գերմանիայի ազգային հավաքականի պաշտպան Մատիաս Գինտերը կարիերան կշարունակի «Ֆրայբուրգում»՝ հաղորդում է ակումբի պաշտոնական կայքը։
28-ամյա ֆուտբոլիստն արդեն պայմանագիր է կնքել «Ֆրայբուրգի» հետ և հաջորդ մրցաշրջանից ելույթ կունենա «28» համարի ներքո։
«Ես ցանկանում էի կարիերայումս ինչ-որ յուրահատուկ բան անել, իսկ հարազատ ակումբ վերադառնալուց ավելի յուրահատուկ բան չկա։ Թիմը մեծ ներուժ ունի, և այստեղ վերադառնալն իսկական հաջողություն է»,- ասել է Գինտերը։
Գինտերը կարիերայի առաջին քայլերն արել է «Ֆրայբուրգում»։ 28-ամյա ֆուտբոլիստը Մյոնխենգլադբախի «Բորուսիա» էր տեղափոխվել 2017 թվականին Դորտմունդի «Բորուսիայից»։
Գերմանիայի հավաքականի կազմում Գինտերը 2014 թվականին դարձել է աշխարհի չեմպիոն։