Բրիտանական հեղինակավոր Goal պարբերականը թարմացրել է «Ոսկե գնդակ-2022»-ի հավակնորդների անվանացուցակը:
Թարմացումից հետո առաջատարը կրկին Մադրիդի «Ռեալի» հարձակվող Կարիմ Բենզեման է։ «Լիվերպուլի» հարձակվող Սադիո Մանեն կարողացել է 2-րդ տեղ բարձրանալ՝ գերազանցելով իր թիմակից Մոհամեդ Սալահին: Եգիպտացի ռմբարկուն այժմ 3-րդն է:
Լավագույն տասնյակում են նաև Ռոբերտ Լևանդովսկին («Բավարիա»), Կիլիան Մբապեն (ՊՍԺ), Վինիսիուսը («Ռեալ»), Կևին դե Բրույնեն («Մանչեսթեր Սիթի»), Լուկա Մոդրիչը («Ռեալ»), Ֆիլ Ֆոդենը («Մանչեսթեր Սիթի») և Տրենտ Ալեքսանդր-Առնոլդը («Լիվերպուլ»):
ՊՍԺ-ի հարձակվող Լիոնել Մեսին («Ոսկե գնդակի» յոթակի հաղթող) և «Մանչեսթեր Յունայթեդի» առաջատար Կրիշտիանու Ռոնալդուն (հնգակի հաղթող) կրկին տեղ չեն գտել թոփ-20-ում: