Բոստոնում կայացել է NBA-ի եզրափակիչ սերիայի՝ «Բոստոն Սելտիքսի» և «Գոլդեն Սթեյթ Ուորիորզի» միջև 6-րդ հանդիպումը: Մրցավեճն ավարտվել է «Գոլդեն Սթեյթի» հաղթանակով՝ 103։90 հաշվով, ինչի շնորհիվ նրանք դարձել են NBA-ի 2021/2022 մրցաշրջանի հաղթող (սերիայի վերջնական հաշիվը՝ 4:2)։
Վճռորոշ խաղում ամենաշատ միավորը վաստակել են «Սելտիքսի» և «Գոլդեն Սթեյթի» պաշտպաններ համապատասխանաբար Ջեյլեն Բրաունը և Ստեֆեն Քարին (34-ական):
«Գոլդեն Սթեյթը» NBA-ի վերջին 8 խաղարկությունում չեմպիոնական տիտղոսը նվաճում է 4-րդ անգամ: Վերջին անգամ Կալիֆորնիայի թիմը չեմպիոն էր հռչակվել 2017/2018 մրցաշրջանում՝ եզրափակիչ սերիայում «Քլիվլենդ Կավալիերսին» 4:0 հաշվով հաղթելու արդյունքում:
Ընդհանուր առմամբ՝ «Ուորիորզը» 7-րդ անգամ դարձավ NBA-ի չեմպիոն: Այս ցուցանիշով առաջատարներն են «Բոստոն Սելտիքսը» և «Լոս Անջելես Լեյքերսը» (17-ական անգամ): Հիշեցնենք՝ նախորդ խաղարկությունում հաղթել էր «Միլուոկի Բաքսը»: