ՊՍԺ-ն շարունակում է ակտիվ հետաքրքրություն ցուցաբերել «Բարսելոնայի» ֆուտբոլիստ Ուսման Դեմբելեի նկատմամբ՝ հայտնում է RMC Sport-ը։
Աղբյուրի տեղեկություններով՝ փարիզցիների ղեկավարությունը ֆրանսիացի վինգերի հետ բանակցություններ է վարում այս տարվա սկզբից և արդեն պայմանագիր է պատրաստել նրա համար։ Սակայն «Բարսելոնան» մտադիր է պահել 25-ամյա ֆուտբոլիստին, որի պայմանագիրը կատալոնական ակումբի հետ նախատեսված է մինչև հունիս:
Դեմբելեն «Բարսելոնա» է տեղափոխվել 2017 թվականին Դորտմունդի «Բորուսիայից» 105 միլիոն եվրոյով։ Transfermarkt-ը Ֆրանսիայի հավաքականի վինգերի տրանսֆերային արժեքը գնահատում է 30 մլն եվրո: Ընթացիկ մրցաշրջանում Ուսմանը «կապտանռնագույնների» կազմում անցկացրել է 31 հանդիպում՝ դառնալով 2 գոլի և 13 գոլային փոխանցման հեղինակ: