Մոսկվայի ԲԿՄԱ-ի գլխավոր մարզչի օգնական Գրիգորի Բաբայանը մեկնաբանել է մամուլում տարածված տեղեկությունը, ըստ որի՝ նրան առաջարկել են դառնալ Ղազախստանի հավաքականի գլխավոր մարզիչ:
«Ես գործող պայմանագիր ունեմ ակումբի հետ մինչև մայիսի վերջ, և իմ բոլոր մտքերն այժմ կապված են ԲԿՄԱ-ի հետ»,- Բաբայանի խոսքն է փոխանցում «Чемпионат»-ը։
2020/2021 մրցաշրջանից առաջ Բաբայանը գլխավորել է «Տոբոլը», որտեղ նրան հաջողվել է թիմ կառուցել, որը Ղազախստանի առաջնությունում դարձել է փոխչեմպիոն, իսկ հաջորդ մրցաշրջանում՝ չեմպիոն:
2021 թվականի հունիսին նա միացել է Մոսկվայի ԲԿՄԱ-ի մարզչական շտաբին: