Անգլիական «Մանչեսթեր Սիթի» ակումբի մամուլի ծառայությունը զվարճալի գրառում է կատարել թիմի գլխավոր մարզիչ Խոսեպ Գվարդիոլայի ծննդյան օրվա կապակցությամբ։
Կատալոնացի մասնագետը հունվարի 18-ին դարձել է 51 տարեկան։
«Մանչեսթեր Սիթին» տեղադրել է «քաղաքացիների» հանդիպումներից մեկի դրվագը, որում երևում է Գվարդիոլայի արձագանքը գոլին։
«Երբ ծննդյանդ օրը միանգամից փչում ես բոլոր մոմերը»,- նշված է տեսագրության տակ։
Հարկ է նշել, որ այդ արտահայտությունն օգտագործվում է նաև «բոլոր հարցերը միանգամից լուծել» իմաստով։
Գվարդիոլան «Մանչեսթեր Սիթին» գլխավորում է 2016 թվականից։ Անցյալ տարի թիմը նրա ղեկավարությամբ դարձել է Անգլիայի չեմպիոն, նվաճել Անգլիայի լիգայի գավաթը և հասել Չեմպիոնների լիգայի եզրափակիչ։
