Պեպ Գվարդիոլան մարզչական կարիերայի 32-րդ տիտղոսը նվաճեց։
«Մանչեսթեր Սիթին» նրա գլխավորությամբ այսօր հռչակվեց Անգլիայի չեմպիոն։ Իսպանացի մասնագետն ավելի վաղ 14 տիտղոս էր նվաճել՝ գլխավորելով «Բարսելոնան», այնուհետև՝ 7 տիտղոս «Բավարիայի» գլխավոր մարզչի կարգավիճակում։
Անգլիական ակումբի հետ Գվարդիոլան 11-րդ տիտղոսն է նվաճում։ Կատալոնացին «քաղաքայինների» հետ 4 անգամ դարձել է Անգլիայի չեմպիոն (2017/18, 2018/19, 2020/21, 2021/22)։ Պեպը «Մանչեսթեր Սիթիի» հետ նաև 4 անգամ հաղթել է Անգլիայի լիգայի գավաթը, երկու անգամ՝ Անգլիայի Սուպերգավաթը և 1 անգամ՝ Անգլիայի գավաթը։