«Մանչեսթեր Սիթիի» գլխավոր մարզիչ Պեպ Գվարդիոլան Չեմպիոնների լիգայի կիսաեզրափակիչի՝ «Ռեալի» դեմ առաջին խաղից առաջ խոսել է վնասվածք ստացած խաղացողների մասին։
«Քայլ Ուոքերը չի մարզվել վերջին 10 օրվա ընթացքում, Ջոն Սթոունզը չի մարզվել ապրիլի 20-ին «Բրայթոնի» դեմ կայացած խաղից հետո: Այնպես որ, ես չգիտեմ, թե արդյոք նրանք դաշտ դուրս կգա՞ն, թե՞ ոչ:
Տեսնենք, թե ինչ վիճակում կլինեն: Դեռ հստակ որոշում չենք կայացրել, բայց կան կասկածներ»,- Գվարդիոլայի խոսքն է մեջբերում ՈՒԵՖԱ-ի պաշտոնական կայքը։
Հավելենք՝ որակազրկման պատճառով խաղին չի մասնակցի Ժոաու Կանսելուն:
Չեմպիոնների լիգայի կիսաեզրափակիչ «Մանչեսթեր Սիթի» - «Ռեալ» դիմակայության առաջին հանդիպումը կկայանա այսօր «Էթիհադում»: Այս խաղը ժամը 23:00-ից կարող եք դիտել «Վիվառո Սպորտ»-ի ուղիղ եթերում: