«Արարատ-Արմենիայի» և Դմիտրի Գունկոյի ու իր մարզչական շտաբի միջև կնքված պայմանագրի ժամկետը լրացել է, որը կողմերը որոշել են չերկարաձգել՝ հայտնում է ակումբի մամուլի ծառայությունը:
Դմիտրի Գունկոն թիմը գլխավորում էր 2021 թվականի հունիսից: «Արարատ-Արմենիան» Գունկոյի գլխավորությամբ անցկացրել է 32 խաղ, տոնել 23 հաղթանակ, գրանցել 5 ոչ-ոքի և կրել 4 պարտություն:
«Արարատ-Արմենիայից» հեռացել է նաև հարձակվող Յուսուֆ Օտուբանջոն: Կողմերը որոշել են չերկարաձգել պայմանագիրը: Յուսուֆ Օտուբանջոն թիմին միացել էր 2020 թվականի հունվարին: «Արարատ-Արմենիայի» կազմում Օտուբանջոն անցկացրել է 72 խաղ, խփել 30 գոլ, կատարել 9-գոլային փոխանցում և 1 անգամ դարձել VBET Հայաստանի Պրեմիեր լիգայի հաղթող:
Հիշեցնենք՝ VBET Հայաստանի Պրեմիեր լիգայի 2021/2022 մրցաշրջանում «Արարատ-Արմենիան» 2-րդ տեղն է գրավել: