Մադրիդի «Ռեալի» լեգենդար նախկին ֆուտբոլիստ Գուտին քննադատել է ՊՍԺ-ի հարձակվող Կիլիան Մբապեին։
«Մբապեն աշխարհի լավագույն խաղացո՞ղն է. սա դեռ պետք է ապացուցվի։ Այս պահին՝ ոչ։
Այսքան ժամանակ է՝ նա Փարիզում է. քանի՞ անգամ է հաղթել Չեմպիոնների լիգայում, քանի՞ «Ոսկե գնդակ» ունի: Նա այնքան հայտնի է, որ թվում է՝ աշխարհի լավագույն խաղացողն է, բայց ոչ։
Մբապեն ամենաշատ հույսեր տվող ֆուտբոլիստն է... Նա չի նվաճել ոչ «Ոսկե գնդակը», ոչ էլ Չեմպիոնների լիգայի գավաթը»,- Գուտիի խոսքն է մեջբերում El Chiringuito-ն։
Մայիսի 21-ին ՊՍԺ-ն պաշտոնապես հայտարարել էր Մբապեի հետ պայմանագիրը մինչև 2025 թվականի ամառ երկարաձգելու մասին։ Մինչև այդ հաղորդվում էր, որ Կիլիան Մբապեն, մեծ հավանականությամբ, կարիերան կշարունակի «Ռեալում»: Տեղեկություններ կային նույնիսկ, որ ֆրանսիացին համաձայնեցրել է անհատական պայմանագրի կետերը «Արքայական ակումբի» հետ:
2021/2022 մրցաշրջանում Մբապեն բոլոր մրցաշարերում փարիզցիների կազմում անցկացրած 46 խաղում դարձել է 36 գոլի և 26 գոլային փոխանցման հեղինակ: