տուր
01 Հունվար 1970 - 21:18
«Մանչեսթեր Սիթիի» գլխավոր մարզիչ Խոսեպ Գվարդիոլան պատմել է եզրային պաշտպան Ժոաու Կանսելուին կիսապաշտպանությունում օգտագործելու ցանկության մասին:
«Նման մոտեցում սկսել եմ կիրառել դեռ Գերմանիայում աշխատելու ժամանակ: Եթե Բունդեսլիգայում գնդակ ես կորցնում, քեզ սպանում են հակագրոհների ժամանակ: Դա այն դեպքում, եթե ձեր եզրային պաշտպանները չափազանց լայն են տեղակայված: Ես այդ դասը քաղել եմ դեռ «Բարսելոնայում», բայց այնտեղ մենք կարողանում էինք վերահսկել խաղը, որովհետև անհավանական ֆուտբոլիստներ ունեինք: Մրցակցին 3 թնդանոթ և 100 փամփուշտ էր հարկավոր, որպեսզի «Բարսան» գնդակ կորցներ: Անհնար էր այդ թիմին հաղթել գնդակի վերահսկողության համար պայքարում:
Գերմանիայում ամեն ինչ այլ էր: Դաշտի կենտրոնում ավելի շատ խաղացողներ էին անհրաժեշտ: Հարկավոր էին 4-6 ֆուտբոլիստ կարճ փոխանցումներով խաղալու համար, այդպես ավելի լավ ես վերահսկում գնդակը: Իմ մոտեցումները փոխվել են հենց այդ պատճառով:
«Բավարիայում» Ֆիլիպ Լամին հրահանգեցի կենտրոն տեղափոխվել, իսկ «Մանչեսթեր Սիթիում»՝ Ֆաբիան Դելֆին, երբ մենք անհավանական մրցաշրջանում 100 միավոր վաստակեցինք: Հետագայում այդ հնարքը հաջողվեց նաև Ալեքսանդր Զինչենկոյի շնորհիվ, իսկ հիմա դա փորձարկում ենք Կանսելուի միջոցով: Ոչ բոլոր եզրային պաշտպաններն են կարողանում նման կերպ խաղալ:
Ամբողջ իմաստն այն է, որ պաշտպանվում ենք գնդակին տիրելով, բայց նաև պետք է ագրեսիվ լինենք այն կորցնելու դեպքում»,- կատալոնացու խոսքն է մեջբերում Manchester Evening News-ը: