«Մանչեսթեր Սիթիի» գլխավոր մարզիչ Պեպ Գվարդիոլան չի պատրաստվում իր թիմ հրավիրել «Բարսելոնայի» երիտասարդ կիսապաշտպան Անսու Ֆատիին:
18-ամյա ֆուտբոլիստի գործակալ Ժորժե Մենդեշը ցանկանում է որքան հնարավոր է արագ համաձայնեցնել կատալոնական ակումբի հետ բարելավված պայմաններով պայմանագիրը և «Բարսայի» նկատմամբ այդ հարցով ճնշում գործադրելու նպատակով կապ է հաստատել եվրոպական այլ թոփ-ակումբների, այդ թվում՝ «Սիթիի» ներկայացուցիչների հետ:
Գվարդիոլան «քաղաքաբնակների» ղեկավարությանը խնդրել է չքննարկել Ֆատիի հնարավոր տեղափոխությունը, քանի որ չի ցանկանում փչացնել հարաբերություններն իր նախկին ակումբի հետ, որը լուրջ ֆինանսական դժվարությունների է հանդիպել:
«Բարսելոնայի» նախագահ Ժոան Լապորտան գնահատել է մարզչի քայլն ու դժգոհ մնացել Մենդեշի գործողություններից:
Ֆատին չի մասնակցի «Բավարիայի» ու «Ատլետիկոյի» դեմ խաղերին
